طارق صقر .. بنرسم..

...بنرسم...
دائما بنرسم
وبنحب نترسم
بنرسم زهرة
وشجرة
بنرسم دموع
مع السهر
بنرسم آمال
متحيرة
بنرسم كمان
سكة سفر
جاية من
بعيد
مالهاش نهاية
ويجى على
بالنا سؤال
امتى
نحب ونتحب؟؟؟
امتى
نلاقى ريشة
ترسمنا ومتغيرش
ملامحنا ولانفوسنا؟؟
مش حتكونى
الالوان الغامقة
القاتمة اللى تقتل
جوانا الحنان
والامال والامان
مش حتكونى
لوحة متعرجة
خطوطها متلخبطة
مش
حتكون افكارك
لوحة
عريانة مثيرة
يتفرج عليها
كل الناس
لكن
حتكونى فى
قلبى موناليزا
حتكونى
العفة والطهارة
والحزن
اللى فى عينيها
حتكونى رسمة
وظلة ومروى
حتكونى
حلمى اللى
شيلته
من زمان
على كتافى
بنقسى
وبنترسم
على بعضنا
مش لاقيين
لوحة تنطق
وتقول
ده حب وحنان
ولما بنرسم
بتوه الريشة
وترسم خندق
وترسم عدو
وقنبلة وناس
بتموت وقلوب
كمان
بتتحرق ووشوش
كتير بتغش وتغدر
دى حتى الريشة
معرفتش ترسمها
ده انا قلبى
رسمك ملحمة
ده انا قلبى
طبعك جوه
اللوحة كيوبيد
سهمه
جاى من بعيد
قتل جوانا
طيف
الحب الجميل
مستغربة
اصلك من زمان
معرفتيش الحب
ولا كنتيه ولا عشتيه
متحيرة
ما انا عارف
ذى الورقة والالوان
والريشة خطوط كتير
ونفوس متعذبة
بتدور على الحب
ونرجع نسال سؤال
امتى نلاقى ريشة
ترسمنا ومتغيرش
ملامحنا ولا نفوسنا؟؟؟
ولاتكونى فى يوم الوان
غامقة ولا جلاد
ولا لوحة
ترفض الالوان
ولا قلب يرفض
حبى الكبير
وحلمى فى انك
تكونى
لوحتى الوحيدة
اللى نطقت
وقالت
باحبك.باحبك.باحبك.
بقلم/
طارق صقر
كاتب
قصة وشاعر