امنا..(2)

من طرف **Admin** الخميس ديسمبر 04, 2008 2:16 pm

وزعلت منى
امى المرة
اللى فاتت
وقالت لى
الاحاسيس
جواك ماتت
بقى
تنسى النيل
وترابى
وامجادى
وتفتكر
اخطائى
اللى باتت
مسحت
على شعرها
وقلت لها
اصلى باحبك
اصلى خايف
عليكى من بكره
تبقى نكره
والاتاكل
لحمك الديابة
والاتتباعى
فى
سوق النخاسة
والايجى
الغراب
ينعيكى
والايحل
عليكى الخراب
بكره وتنداسى
القوت قليل
والناس
عطشانة مش
لاقية ماية
والناس بتموت
ومش لاقية مايتم
والحرامية كتار
اكثر من الغلابة
بس لسه فيكى
خير مش عايزه
ليه عايزه للعيال
والنهاردة
قبضت المهاية
وسددت
كل اللى عليا
ووقفت
فى الجمعية
اشتريت فرخة
مية مية كلتها
انا والصغار
احسن
من الفول
وعجينة الطعمية
والحمد لله مستورة
ومددعلى طول المدد
وعمار يامصر
والدنيا لسه بخير .
بقلم/
طارق صقر