تعالوا نضحك شويه !!!

من طرف **abdelnabyyousef** الخميس فبراير 12, 2009 3:03 pm

*** عملوا جائزة مليون جنيه : -
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده

*** مره اتنين متأخرين : -
مره اتنين متأخرين على المدرسه الاستاذ بيسأل الاول انت ايه اللى اخرك .
قال له : كانت فيه 5 جنيه ضيعه مني وبدور عليها .
فمسك التانى وانته ايه اللى اخرك .
قال له : أصل أنا اللى كنت دايس عليها .

*** مره واحد فشار : -
مره واحد فشار قوى بيقول لصاحبه : أنا كنت ماشى فى الصحراء طلع عليا أسد نطيت في البحر .
صاحبه قال له : بحر ايه بس اللي فى الصحراء .
قال : لا أنا قلت لقيت أبو الهول اتشعلقت فى رقبته .
صاحبه قال له : وايه اللي جاب ابو الهول في الصحراء .
فقال ك وانا ماشى فى الصحراء طلع عليا اسد أكلنى.. ارتحت ..

*** حلوه : -
مره واحد محمل فراخ وهوه معدي علي كمين .
سأله الضابط : محمل ايه قال له : فراخ يابيه .
قال له : بتأكلهم ايه .
رد عليه السواق : بأكلهم علف وذره .
قال له الضابط : لا الفراخ مايكلوش علف و ذره دول بيكلو لانشون وبسطرمه وراح عملو مخالفه على السواق بعد مامشي جه على الكمين التاني فالضابط بيسأله محمل ايه .
قال له : فراخ يا باشا قالو بتأكلهم ايه .
قال له : لانشون و بسطرمه .
قال له : ازاي الفراخ بتاكل ذره وعلف مش لانشون وبسطرمه وراح عملو مخا لفه وبعد السواق مامشي وجه على الكمين التالت فالضابط بيسأله له : محمل ايه يا اسطي .
قال له : فراخ يا باشا .
قال له : بتأكلهم ايه بص يا باشا انا بدي كل فرخه نص جنيه وهيه تاكل اللي علي مزجها .

*** هزار صعايده : -
مره 10صعايده بيهزرو 8 ماتو فواحد بيقول للتانى كفايه كده لاتقلب بجد .

*** سكران : -
واحد كل يوم يرجع البيت سكران ويصحي كل اللي في البيت عشان يرموله المفتاح من البلكونة .
مراته قالت له : خذ المفتاح معاك قبل ما تخرج رجع في الليل سكران يرن الجرس وقلق كل اللى فى البيت .
مراته قالت : مش معاك مفتاح .
قال لها : معايا بس ارمولي كالون الباب .

من طرف **Admin** الأحد أبريل 05, 2009 7:15 am

الاستاذ عبد النبى يوسف

لك منى كل الاحترام والتقدير والاخلاص على
ذوقك وحسك الجميل فى الانتقاء والابداع
كما تعودنامنك دائما
منتديات الصقر نت تحمل الكتير بين صفحاتها وكلها امل وكلها تميز
مع تحياتى
طارق صقر