طارق صقر و..ورق الكوتشينة..

من طرف **Admin** الجمعة أبريل 16, 2010 4:48 pm

..ورق الكوتشينة..
انا وانت وانتى
ذى ورق الكوتشينة
لما بنحب
بنسال
ياترى الحبيب يستاهل كل العشق ده؟
لما بنعشق
بنسال
ياترى امتى حنفوق من الحلم ده؟
لما بنحلم بنتمنى ان احنا ما نصحاش ونعيش جوه الحلم
ونعشقه ونخاف يطلع عليه ضوء الصبح
انا وانت وانتى
ذى ورق الكوتشينة
فى الكوتشينة
الوان كتير
معانى كتير
احلام صعبة التحقيق
احلامنا
قلب احمر وقلب اسود
ذى الوشوش اللى بنقابلها
وترفل وسمبوكسه
ذى العيون اللى بتخدع
والقلوب اللى بتظلم
والاس قلبك انتى القاسى
والجوكر دور ما عرفتش العبه
ولا فى يوم كنته
ولا السنين ضيعت حلمى الكبير
فى انى اكون حبك انتى الجميل
اللذيذ الحنين السهل فى التفسير
والاس عينيك انتى المتحيرة العنيدة المتكبرة
والجوكر دور ما عرفتش العبه ولا فى يوم كنته
ولا الناس قدرت تكسر فيا القلب الدافىء
والنبض الحالم
ولا قدرت انساكى
ولا قدرت اعيش من غيرك
لانك انتى المقدر والمكتوب
والمرسوم جوه ورق الكوتشينه
والاس قلبك انتى الناسى القاسى
والجوكر دور ما عرفتش العبه ولا فى يوم كنته
لانى نسيته عند رموشك
وطوتنى السنين بالنسيان
والواد فى الكوتشينة دائما بيقوش .
بقلم /طارق صقر