غزة والحدود (1)

من طرف **Admin** الأربعاء يناير 28, 2009 12:24 pm

ومشيت
بين الحدود
ولقيت دمعتك
على الخدود
لاانا
يوسف العظمة
ولا عبد الودود
وبعد المحكمة
اخذت لقب اول برىء
فى هذا الوطن
برىء من دم ابن يعقوب
لاكنت
قابيل ولاهابيل
انا ابسط مما تتخيلوا
ومسحت
دموع الحيارى
وجففت
عرق الغلابة
وفجأة لقيتنى
حصلت على
لقب الخائن لهذا الوطن
لما ترفع قلمك
فى وجهه ابى لهب
لما ترفع سيفك
فى وجهه ميمون القرد
لما تصفع ابى جهل
لما تصرخ
فى وجهه الجهلاء
انا ابسط مما تتخيلوا
وصقفوا لى
وحصلت على
لقب ابن الوطن
ياصلاح الدين
حررها
تانى من يهود
داسوا
فيها ودنسوا
ولخبطوا
كل الحدود
وحصلت
على
لقبى الجديد
رجل وحيد
هائم شريد
لكم كلكم
بيوت تآويكم
الا انا
جرحى أكبر
مما تتخيلوا
جرحى
غزة
بلد العزة والكرامة
جرحى
مساحات كل الوطن
جراحك
ياغزة
جراح كل العرب
والملم
اطراف الهزيمة
والرذيلة والخيبة
القوية اللى فينا
واقول فيه
بكره وحده عربية
22 سلندر
بنزين مالهوش
افساد للبيئة
ولاتعظيم للكبير
ولا تدوس الصغير
ولاتوزع على اولاد
الشوارع
وضحايا الحروب
جلة وافيون
ونزرع
البسمة والامل
فى النفوس
ماتدسوش الهنا
اللى اتوجد
فى نفوسنا
ولاتعصروش
آمالنا فى المفرمة
ولا تحطوش
كبريائنا
فى الجزامة
ولا احلامنا
تحت الجزم

وارجع واسال سؤال

يعنى ايه معبر ؟؟؟
يعنى ايه جواز سفر ؟؟؟
ويعنى ايه حدود ؟؟؟

دى بوابات
وشوية آسلاك
وشوية ورق
وعلى الخرائط
شوية دوائر
ومثلثات وسكاكين
جنب بعض
بتقتل فينا الرجولة
ونندفن تحت النعال

بقلم /

طارق صقر
كاتب قصة وشاعر