غزة والحدود (3)

من طرف **Admin** الأربعاء يناير 28, 2009 12:29 pm

وعلى الحدود
فيه
بكاء و زغاريد وحكاوى
تتغنى على الربابة
وآسود وسباع
بتجرى فى البرارى
بتحمى
الوطن وحبيتك
ولمستك ياغزة
مش صدفة انك
انتى الجرح
ولا صدفة انك الاهل
ولاعيب عليا
انى اقولها انك
انتى
الوطن ومش صدفة
انى
عايز احميكى
واداوى جراحك
ومش
مكسوف انى
اقولك
انى باحبك
ومش خايف
الا عليكى

وعلى الحدود
فيه مآسى
وضرب نار
وقتل وسفك
للدماءونصب
على اللى
رايح
واللى جاى
وشفت جرحك
ياغزة
ياحبى الوحيد
اللى باجرى
وراءه من سنين
ومش لاقى
العزة لينا ياغزة
ولا املك لكى
غير الدموع والدعاء
اشهدوا عليا ياعرب
باحاول
امسح الطين
اللى على الرؤؤس
باحاول
امسح عاركم
باحاول
اكون فارس وشهم
وحاطط على اكتافى
هموم الوطن
وحماية العجائز
والاطفال والصبايا
وتقديم الكفن
وعزف الالحان
لليتامى
وزرع ارضها الجدباء
ده انا عندى الخير
سلاسل سلسبيل
من
الاطلسى للخليج
وباشحت اللقمة
ما املك
زمام امرى ياعرب
واتركونى اعبر الحدود
واكسر القيود
وارسم الضحكة
على الخدود
واعبر
مآساة نفسى
بحبكم

بقلم/
طارق صقر
كاتب قصة وشاعر