غزة والحدود (2)

من طرف **Admin** الأربعاء يناير 28, 2009 12:27 pm

واترسمت
كل
حواديت الحدود
جواه الكراسات
واتكتبت الآهات
واللعنات
فى القلوب
والمآسى
فى العيون
عند
خطك الرفيع
وبواباتك الذليلة

وعلى الحدود
تلاقى نفوس
كتير متغربة
وخطوط كتير
واتجاهات
ويفط
وسلاح
وبارود
ومتاريس
والكل خايف
لا تضيع بسمته
او
فرحته
او
حتى تبعد عنه
روحه
فى السماء
وشفتك هناك
ياغزة
ياعيون المها
وشورت لكى
من بعيد من
خلف الحدود

كل الحدود
حفظانى
ماآلمانى
نمت على
كل صخرة فيها
وحفظت
كل السواقى
وسميتها بأسمى
لا انا
المقهور
ولا انا
الملعون
ده انا قلبى
صافى
بس جاء العدو
عفره
وعكر وش اللبن بالتراب
ويحط ايده
فى ايديك
ويقتلك
ويغتصب
الامانى والصبايا
ويقول معاهدة
ويقول سلام
ده ذلكم ياعرب
انكم تحطوا
ايديكم
فى
ايديهم
وتقولوا
صاف يا لبن
حليب يا قشطة

بقلم /
طارق صقر
كاتب قصة وشاعر